He Moolelo Pokole

By James W. L. Mcguire

Book Id: WPLBN0002096936
Format Type: PDF eBook:
File Size: 9.42 MB
Reproduction Date: 6/14/2011

Title:	He Moolelo Pokole
Author:	James W. L. Mcguire
Volume:
Language:	Hawaiian
Subject:	Non Fiction, Education, Hawaiian Education
Collections:	Authors Community, Education
Historic Publication Date:	1938
Publisher:	James W. L. Mcguire

Member Page:	Hale Kuamoʻo Hawaiian Language Center
Citation APA MLA Chicago W. L. Mcguir, B. J. (1938). He Moolelo Pokole. Retrieved from http://gutenberg.us/

Description
He wahi moolelo pokole keia no ka hele ana o ka Moiwahine Kapiolani ame ke Kamaliiwahine Liliuokalani, no na hana hoohiwahiwa i ka Iubile o ka Moiwahine Victoria, o Pelekane, ka aina nona ka oleloia “ Aole e napoo ka la maluna o na palena aina o Pelekane. ” He lehulehu no ka poe i ukali aku ma keia huakai a na Lii, aka, ua hala aku lakou apau i ka make a koe mai nei maua elua—o ke Konela Curtis Piehu Iaukea ame ka mea e kakau nei i keia wahi moolelo pokole. Ua konoia ka mea kakau e hoopuka i keia moolelo e na makamaka lehulehu, a mahope o ka noonoo akahele ana ua ae aku la ka mea kakau ia mau nonoi hoomano ana, me ka hilinai ana e loaa ana i ka mea heluhelu kekahi mau pomaikai mamuli o ka heluhelu ana i keia moolelo. Aole e hiki i ka mea kakau ke hooiaio aku ua hemolele loa keia moolelo aole wahi hewa a kinaunau paha. Aia no he mau hemahema paha i ku ole i ka hoi o kekahi poe ; aka, e oluolu oukou e ka poe e heluhelu ana e hoomanawanui ia mau hemahema, a e uumi i ka inaina, a e lawe nihi ae no ma na mea i ku i ka iini a ka makemake.

Excerpt
Ma na la mua o ka makahiki 1887, ua loaa mai la he palapala kono i ka Moi Kalakaua mai ke Aupuni mai o Pelekane, e kono mai ana e komo pu aku iloko o na hana hoohiwahiwa o ka piha ana o na makahiki he kanalima o ka nohoalii ana o ka Moiwahine Victoria, maluna o ka nohoalii o Beretania Nui. I ka wa nae i loaa mai ai o keia kono e noho ana ka Moi Kalakaua ame ke aloalii, ame ka lahui Hawaii holookoa, iloko o ke kanikau no ka Mea Kiekie ke Kamaliiwahine Miriam Kapili Likelike, (Mrs. A. S. Cleghorn), i hala aku i ka make. Nolaila ua hiki ole i ka Moi Kalakaua ke hooko kino aku i keia kono a ke Aupuni o Pelekane. Aka, ua hooholo koke iho la no ke Lii, e hoouna aku i kana Aliiwahine i aloha nui ia, ka Moiwahine Kapiolani, i pani-hakahaka ma kona wahi, a i hookoiai hoi ke kono a ke Aupuni o Pelekane. Ua maikai keia hooponopono ana i ka manao o na lii, a ua lilo na la o ka mahina o Feberuari ame Maraki, o ka makahiki 1887, i mau la hoomakaukau no na wahi pono kino no ka hele ana.