World Library  


QR link for Ka Moolelo O Ka Moi Kalakaua I (The History of King Kalakaua I)
Open EEWOWW
Add to Book Shelf
Flag as Inappropriate
Email this Book

Ka Moolelo O Ka Moi Kalakaua I (The History of King Kalakaua I)

By J. J. Williams

Click here to view

Book Id: WPLBN0002096933
Format Type: Default
File Size: 2 MB
Reproduction Date: 6/17/2011

Title: Ka Moolelo O Ka Moi Kalakaua I (The History of King Kalakaua I)  
Author: J. J. Williams
Volume:
Language: Hawaiian
Subject: Non Fiction, Education, Hawaiian History
Collection: Authors Community
Subcollection: Biographies
Historic
Publication Date:
Publisher: Hollister & Co.
Member Page: Hale Kuamoʻo Hawaiian Language Center

Description
Ae! Ua hala, ua nalo, ua pio ke kukui o ko Kalakaua Hale;. ua makee mai la ka Mana Kahikolu i ke aka uhane o kona hale kino alii, a ua kaili aku la e hookokoke aku ma na pohai o Kona Nohoalii Hemolele ma ka Paredaiso lani. Aohe ana mau noonoo a hooluhi hou ana iaia iho no na pono a me na pomaikai o ka lahui a me ka aina ana i hiipoi aloha nui ai; ua pau oia maanei; ua oili pulelo aku la ka uhane ke aho o ke kino. a waiho iho la mahope nei he lahui i poipu ia e na eheu o ke kanikau kumakena iloko o ka pilihua luuluu nui. Aloha! Aloha wale oe e ka aeone o Hilohanakahi, e haohao ana oe, no ka mea, ua pau ka hoeha ana a kona mau kapuai i kou ili; a e ka ua Kanilehua, aole e kapipi hou kou mau omaka kilihune i kona mau papalina mohaha; e ka Ulu Lehua i Olaa, o hai aku ka oukou e hoonu'a, aole oia e pawehi hou i ko oukou nani; a e ke Aliiwahine o ka Lua; ua pau kona mau haihaiolelo pu ana me oe. E na Hinano a me na Hala o Naue-i-ke-kai, aole loa oia e honi hoope hou i ko olna onaona; a e ka wahine kino oni o Hopoe, pau ke kilohi ana a kona mau maka alii ia oe. E ke kuono liula o Waiohinu i ka ua Haao, aole oia e hiolani hou ana maloko o kou poli; a e na ehukai o Kaalualu, ua pau ka oukou mau hone hookipa ana aku iaia; no ka mea, ua hoi aku la kela ma o. E na Kona! Kona Kai Opua i ka Lai; Kona Kai Malino a Ehu; Kona Kai Maokioki—walohia wale; mai ka Lae auau kai o Kaulanamauna a hoea i ka Puu Haemakani o Kaupulehu—auwe—ka lihaliha paumako—Aloha oe e Hookena, me kou puuwai makee Alii, o kona inoa wale ihono kau e makee aku ana, oiai. aohe oia e kipa hou iiku ana ma kou aekai eka Palikapu o Keoua, aohe au malama hookapukapu hou ana iaia; a e ka wai huihui o Haliilua, ia wai kapipi a na Lii, na kona kino wailua paha e hoonioni hou aku kou lana malie ana: a e Kealakekua. me kou upauina polinahe, aole oia e luakaha hou maloko o kau puili aloha ana. E ka Uakoko o Alanapo, ua pau kau hoailona ana no ia Alii au. E ka Uluniu o Keauhou, o ko hai makewai ka kou mau niu haohao e hoolawa aku; a e ke kiai hale o na Lani, e ka Hoapili makee Alii, ua oki kau mau kaunui ana nona, oiai, aole ia me oe. E Kailua—e ! E Kamakahonu e ! A e Mokuaikaua hoi! Puanuanu ka Hale ua hala o Kalani. Nau i hoopumehana iaia iloko o kona puanuanu ana a nau i hoomaona iloko o kona la pololi, a nau i hooluolu iloko o kona la oluolu ole. Aloha ! Aloha ke kiowai auaukai o ke Alii; aloha ka nalu heenalu o ke Alii, aloha na nalu kapu o ke Alii. Aloha ka aina o na la opioo Koaea, kaniuhu na Heiau o Hailualani a me Kaili, a haohao na Nalu o Kamoa, Mapuna, Kahakiki, Mokupalahalaha a me ka Nalu Kakua o Haula. Pau kau hoauau ana i kona mau papalina e kahi wai malu i ka Loulu o Puu, a aole oe e halawai hou me ia e ke Kuhonua o uka.

Excerpt
Ka Moi, ka Alihikaua Nui, ke Alii Kapu, Hoano, ka Wela, ka Moe, Kaikuhaipuhilaninuu, Wohi Kuakahili, Haku o ka Ohiako a me ka Palaoa Pae, Kukuiaikeawakea, Kama Alii Hanau o ka Aina, ka Haku I-ka-Po-Iuiu-Lani a Iku Hai Hoano no ka Hale Naua, i ka wa e ikuwa ana ka moa kuakahi i ka moku ana o ka pa-wa o ka po a huli ke au no ka wehekaiao, oili ka malamalama, hanau ke ao pale ka po, a oia ke kuhi ana o ka uwaki o ka manawa i ka hora elua o ka poniliula wanaao o ka la umikumamaono o Kaelo, (Novemaba) ma ka helu a ko Oahu nei poe, (a ma ka helu a ka Hale Naua a ke Alii ponoi no i hoonohonoho ai, o ka malama ia o Kaaona,) i ka M. H. 1836, ma Hale Uluhe, Manamana, Honolulu, ma kahi kokoke i ke kahna e ku nei ka Halemai Moiwahine. O kona luaui makuakane oia no ke Aliikiekie Kahanu Kapaakea, a o kona luaui makuahine oia no ke Kamaliiwahine Analea Keohokalole, he omaka no loko mai o ka niau koi-ula a Keaweheulu, he koa, he kakaolelo, a he kuhikuhi puuone na Kamehameha I., ka Nai-Aupuni kamahao a kaulana oka Pakipika. Ma ke ewe a ma ka hanau ana, he Oahu ke Alii ka Moi i niau palanehe aku la i ke ala Poliku-a-Kane. Ae—he Oahu oia, ka aina nona ka puana ia ana—"I Oahu au i ka aina makaewaewa"—aka; iloko ona ua pahua ia mea he makaewaewa, a ua hoewe-paa ia iloko o kona papa houpo Alii ka ike makamaka, ka heahea, ka olu waipahe, ka ike kanaka—mai ke au iki a ke au nui—he hale kipa ia na ka malihini, he puuwai hamama, aohe mea kaupale iloko o kona umauma no kela a me keia e kipa aku ana imua ona. Oia! O Kalakaua puuwai hamama! O Hale Kipa Oe a ka malihini! O ka Hiku Oe o na Lani i ka Moku—ka Na-i Pomaikai o Hawaii! Aloha! Aloha Oe e ka Makua! Ua hala! Nalo Oe me Kou mau haawina ihikapu i ka.Nenehiwa—Pilihua wale!

 

Click To View

Additional Books


  • Oxford English Dictionary (by )
  • Information Technology Tales (by )
  • From the Mountains to the Sea-Early Hawa... (by )
  • Hawaiian Grammar (by )
  • He Kuhikuhi O Ke Kanaka Hawaii (A Guide ... (by )
  • Ka Mooolelo No Ka Ekalesia O Iesu Kristo... (by )
  • Life in Early Hawaii the Ahupuaa (by )
  • Today's Take on Einstein's Relativity (by )
  • Documents Relating to the Restoration of... (by )
  • Kamehameha and His Warrior Kekuhaupi'O (by )
  • A’Ohe Inoa Komo ‘Ole O Ke ‘Ai (by )
  • Aia I Hea (by )
Scroll Left
Scroll Right

 



Copyright © World Library Foundation. All rights reserved. eBooks from Project Gutenberg are sponsored by the World Library Foundation,
a 501c(4) Member's Support Non-Profit Organization, and is NOT affiliated with any governmental agency or department.