World Library  


QR link for Jonah Kuhio Kalanianaole
Open EEWOWW
Add to Book Shelf
Flag as Inappropriate
Email this Book

Jonah Kuhio Kalanianaole

By Kawika K. Burgess

Click here to view

Book Id: WPLBN0002096847
Format Type: Default
File Size: 2 MB
Reproduction Date: 4/19/2011

Title: Jonah Kuhio Kalanianaole  
Author: Kawika K. Burgess
Volume:
Language: Hawaiian
Subject: Non Fiction, Auxiliary Sciences of History, Hawaiian History
Collection: Authors Community
Subcollection: Biographies
Historic
Publication Date:
1997
Publisher: Hale Kuamo'o
Member Page: Hale Kuamoʻo Hawaiian Language Center

Description
He mamo o Jonah Kuhio Kalanianaole na na alii nui o na mokupuni o Hawaii, Maui, Oahu, a me Kauai. Eia ma lalo nei i hoike ia ai kekahi mau mea nui ma ka mookuauhau o Kuhio i hiki ke ike ia kona pili i na alii kaulana o Hawaii nei a puni o ka wa ma mua. Ma ka aoao o ko Kuhio mookuauhau mai Maui mai, he kupuna kane kuakolu o Kekaulike no Kuhio ma ka aoao o kona makuahine. Ma muli o ka nui o na wahine a Kekaulike, ua nui pu hoi kana poe keiki kiekie o ke kulana alii, a peia i kapa ia ai o Kekaulike, o ia “ka Makua o na Alii. ” Penei ka mookuauhau o Kuhio maia Kekaulike a Kuhio ponoi: O Kekaulike laua o Kepoowaikumailani, a hanau o Kaeokulani (k). O Kaeokulani laua o Kamakahelei, a hanau o Kaumualii (k). O Kaumualii laua o Kapuaamoku, a hanau o Kinoiki Kekaulike (w). O Kinoiki Kekaulike laua o Kuhio Kalanianaole, a hanau o Kinoiki Kekaulike II (w). O Kinoiki Kekaulike II laua o David Kahalepouli Piikoi, a hanau o Jonah Kuhio Kalanianaole. Ma ka aoao o ko Kuhio mookuauhau mai Oahu a me Kauai mai, he kupuna kane kuaha o Peleioholani no Kuhio ma ka aoao o kona makuahine. Penei ka mookuauhau o Kuhio maia Peleioholani a Kuhio ponoi: O Peleioholani ka makua kane o Kumahana (k). O Kumahana ka makua kane o Kaneoneo (k). O Kaneoneo laua o Kamakahelei (ma mua o ko Kamakahelei pili ana me Kaeokulani e like me ia ma luna ae nei), a hanau o Kapuaamoku (w). O Kapuaamoku laua o Kaumualii, a hanau o Kinoiki Kekaulike (w). O Kinoiki Kekaulike laua o Kuhio Kalanianaole, a hanau o Kinoiki Kekaulike II (w). O Kinoiki Kekaulike II laua o David Kahalepouli Piikoi, a hanau o Jonah Kuhio Kalanianaole.

Excerpt
Ma ka aoao o ko Kuhio mookuauhau mai Hawaii mai, he kupuna kane kuakolu o Keawe no Kuhio ma ka aoao o kona makuahine. Penei ka mookuauhau o Kuhio maia Keawe a Kuhio ponoi: O Keawe ka makua kane o Kalanikauleleiaiwi (w). O Kalanikauleleiaiwi laua o Kanekoa, a hanau o Poomaikalani (w). O Poomaikalani laua o Elelule, a hanau o Kuhio Kalanianaole (k). O Kuhio Kalanianaole laua o Kekaulike, a hanau o Kinoiki Kekaulike II (w). O Kinoiki Kekaulike II laua o David Kahalepouli Piikoi, a hanau o Jonah Kuhio Kalanianaole. Ma ka aoao o ka makua kane o Kuhio i pili ohana ai o ia me ka moi Kalakaua me kona kaikuahine o Liliuokalani, no ka mea, o Kekahili ko Kuhio kupuna wahine, a o ko Kekahili kaikunane, o ia no o Kapaakea, ka makua kane o Kalakaua. No laila, he hoahanau o Kuhio no Kalakaua laua o Liliuokalani. O Piikoi ke kupuna kane o Kuhio ma ka aoao o kona makua kane. He pili ohana o Piikoi no Kaumualii, a ua manao ia he mau kaikuaana kaikaina paha laua, a he kaukaualii o Piikoi ma lalo o Kaumualii i ka wa i hoea mai ai na mikioneli i Hawaii nei. A i ka wa i lawe pio ia ai o Kaumualii i Maui e Liholiho, ua noi aku o Liholiho ia Kaumualii e haawi ia Piikoi ia ia, a laila, haawi akula o Liholiho i na aina ma Kaneohe me Honolulu ia Piikoi.

Table of Contents
Ka Mookuauhau o Jonah Kuhio Kalanianaole . 1 -- Kona Wa Kamalii. 4 -- Ka Hookahuli Aupuni . 6 -- Kona Haalele ana. 10 -- Kona Komo ana i Loko o ka Hana Kalaiaina. 14 -- Ka Home Lula Maoli. 17 -- Ke Kanawai Olelo Hawaii. 18 -- Ke Aupuni Kalana. 19 -- Puuloa. 20 -- Ka Hookipa ana i na Lala o ka Aha Kenekoa. 21 -- No Punana Manu. 22 -- Ka Pila Hoopulapula. 23 -- Kekahi o Kana mau Hana E ae. 29 -- Ka Hele Palanehe i ke Ao ma O. 32 -- He Mele no Kuhio. 34 -- Papa Kumole. 37 --

 

Click To View

Additional Books


  • David Kalakaua (by )
    Book Rating (90)
  • Kamehameha and His Warrior Kekuhaupi'O (by )
    Book Rating (60)
  • Princess Bernice Pauahi Bishop (by )
    Book Rating (61)
  • The Power of Our Words (by )
    Book Rating (5431)
  • The Future of the Internet : And How to ... (by )
    Book Rating (1274)
  • Family and More : Enemies or Friends? (by )
    Book Rating (408)
  • The Marketing of Ideas and Social Issues (by )
    Book Rating (460)
  • The Public Domain : Enclosing the Common... (by )
    Book Rating (498)
  • Breathe Smart : The Secret to Happiness,... (by )
    Book Rating (547)
  • French Natural Remedies & Recipes from B... (by )
    Book Rating (666)
  • The Giant Mushroom (by )
    Book Rating (228)
  • Secret of the Sands (by )
    Book Rating (1153)
Scroll Left
Scroll Right

 



Copyright © World Library Foundation. All rights reserved. eBooks from Project Gutenberg are sponsored by the World Library Foundation,
a 501c(4) Member's Support Non-Profit Organization, and is NOT affiliated with any governmental agency or department.